«ВЕТЕРИНАРИЯ ЖӘНЕ ЗООИНЖЕНЕРИЯ» ФАКУЛЬТЕТІНІҢ СТУДЕНТІ БІРІНШІ ПРЕЗИДЕНТ АТЫНДАҒЫ СТИПЕНДИЯҒА ИЕ БОЛДЫ

Қазақ ұлттық аграрлық зерттеу университеті «Ветеринария және Зооинженерия» факультетінің 5 курс студенті Игерді Ақжарқын Қайыржанқызы бірінші президент атындағы стипендияға ие болды.

ВС 20-13 топ студенті Ақжарқын Қайыржанқызы:

«Бірінші Президент Қорының стипендиясын жеңіп алу – мен үшін үлкен мәртебе және болашаққа деген сенімділікті арттыратын ерекше мүмкіндік.

Бұл жетістік маған, ең алдымен, білім мен еңбектің әрқашан өз жемісін беретінін көрсетті. Қазақ Ұлттық Аграрлық Зерттеу университетіне білім алып, дамуға зор мүмкіндік бергені үшін алғыс айтамын. Болашақ мамандар ретінде біз өз арманымызға сеніп, қажырлы еңбек етсек, биік белестерді бағындыра аламыз. Сондықтан барша студенттерге айтарым: талпыныңыздар, үлкен мақсаттарға ұмтылыңыздар және әрдайым өздеріңізге сеніңіздер!»

KazNARU Баспасөз қызметі