АЛМАТЫДА ЖОО АРАСЫНДАҒЫ ҚЫСҚЫ ТУРНИРДІ KazNARU ҚҰРАМАСЫ ЖАҚСЫ НӘТИЖЕМЕН БАСТАДЫ

Алматыда жоғары оқу орындары арасында «Қысқы кубок» спартакиадасы ұйымдастырылды. Қалалық университеттердің басын қосқан дүбірлі додада ұлдар мен қыздардан жасақталған спортшылар футбол, волейбол спорты түрлерінен жарысқа қатысуда.

Алғашқы күні KazNARU ұлдары футболдан жарыс кестесін жақсы нәтижемен бастады. Спортшыларымыз жасыл алаңдағы бірінші ойынын Абылай хан атындағы Қазақ шет тілдер және халықаралық қатынастар университеті командасымен өткізді.

Теңбіл допты аяқта еркін тербеткен университет футболшылары бұл кездесуді айқын жеңіспен аяқтады. Есеп 2:0.

Ала допты алақандарында ойнатқан KazNARU волейбол құрамасы да бүгінгі ойынында жеңіске жетіп, баршамызға қуаныш сыйлады.

Студенттер арасындағы қалалық қысқы жарыс бірнеше күнге жалғасады. Осы уақыт аралығында университетімізден құрамдалған ұлдар мен қыздар командалары барын салып, бірінші болуға ұмтылмақ.

Спортшыларымызға сәттілік тілейміз!

Ойын сілтемелері:

https://www.youtube.com/live/2jVRACoDNec?si=9KiejVmbYpJrC44a

https://www.youtube.com/live/70kHPLsxpIE?si=nT1LSOcZ5M99YxCW

KazNARU Баспасөз қызметі