«ЕҢ ҮЗДІК СТУДЕНТТІК ТОП» ҚАЛАЛЫҚ БАЙҚАУЫНДА KazNARU ЖҮЛДЕЛІ ІІ ОРЫНҒА ИЕ БОЛДЫ

2024 жылдың 17 қарашасында Алматыда ЖОО мен техникалық және кәсіптік білім беру орындары студенттерінің арасында Халықаралық студенттер күніне орай ұйымдастырылған "Ең үздік студенттік топ" байқауы өз мәресіне жетті. Бұл сайыста Қазақ ұлтық аграрлық зерттеу университетінің "DreamTeams" студенттік тобы жүлделі ІІ орынға ие болды.

Инженерлік технологиялар факультеті Тағам өнімдерінің технологиясы және қауіпсіздігі кафедрасынан өнер көрсеткен ТПП-22-07к тобы барынша өз өнерлерін көрсетуге тырысты. Осылайша білімгерлер дипломдар мен ақшалай сертификаттармен марапатталды.

Топ кураторы Ахлан Тоғжан Бақытқызын үлкен жеңіспен құттықтаймыз. Айлар бойы осы жарысқа барын салып дайындалған топ артында қажырлы еңбек тұр.

Айта кетейік, "Ең үздік студенттік топ" байқауы Алматы қаласы Жастар саясаты басқармасының қолдауымен "Алматы студенттер Альянсы" ҚҚ ұйымдастыруымен ALMATY STUDENT WEEK апталығы аясында өткізілді. Осымен екінші жыл қатарынан ұйымдастырылған шараға 300-ден астам студент қатысуға ниет білдірген.

KazNARU Баспасөз қызметі