«БІЛІМ ЖӘНЕ МАНСАП – 2024» ХАЛЫҚАРАЛЫҚ КӨРМЕСІ ЖАЛҒАСЫН ТАБУДА
«БІЛІМ ЖӘНЕ МАНСАП – 2024» ХАЛЫҚАРАЛЫҚ КӨРМЕСІ ЖАЛҒАСЫН ТАБУДА
Алматыдағы «Atakent» халықаралық көрме орталығындағы «Білім және мансап – 2024» дәстүрлі халықаралық көрмесі жалғасуда. Шара отандық ЖОО-мен қатар, алыс-жақын шет елдің көптеген жетекші университеттері, ірі компанияларының басын қосқан.
2024 жылдың 20-22 қарашасы аралығын қамтитын «Білім және мансап – 2024» атты “ATAKENT-EXРО” XXIII Халықаралық көрмесіне Қазақ ұлттық аграрлық зерттеу университеті де қатысуда. Университет өкілдері қатарында Басқарма Төрағасы - Ректордың орынбасары Әбдіров Айтжан Мұхамеджанұлы, қабылдау комиссиясының директоры-жауапты хатшы Қайырбаева Айнұр Елтайқызы, «Инженерлік-технологиялық» факультетінің деканы Алдибаева Лаззат Турганбаевна, «Бизнес және құқық» жоғары мектебінің декан орынбасары Мейманкулова Жулдыз Жолмурзаевна, «Ташкент ирригация және ауыл шаруашылығын механикаландыру инженерлері институты» филиалының директоры Бердишев Абдурахим Сулейменович филиал бойынша ақпарат, бағыт-бағдар берді.
KazNARU бұл іс-шарада кәсіби бағдар беру жұмыстарын жүргізуде, әрі оқу орнының мүмкіндігін толықтай түсіндіріп, ұсынуда.
9-11 сынып оқушыларына университеттің үш деңгейде (баклавриат, магистратура, МВА/ЕМВА, докторантура) білім беретіні туралы, әрі әлемдік университеттердің филиалдары, екідипломды білім беру, академиялық ұтқырлықтан өту, COURSERA халықаралық платформасы, ONLINE және дуалды оқыту, әскери кафедра, студенттік жатақхана мен спорттық кешен, студенттік медициналық орталық, әлеуметтік дүкен мен дәріхана туралы толыққанды ақпараттар берілді
Университетті таныту мақсатында лотореялық ойын арқылы брендік бұйымдар таратылды.
Мән-маңызы терең мағыналы шара Қазақстан Республикасы Ғылым және жоғары білім Министрлігінің, Алматы қаласы әкімдігінің, «Қазақстан Республикасының Ұлттық мемлекеттік Кітап палатасы» РММ және Қазақстанның баспагерлері, полиграфистері мен кітап таратушылары қауымдастығының ресми қолдауымен ұйымдастырылып отыр.
“Білім және мансап” көрмесі аясында «Ұлы жібек жолымен-2024» тақырыбымен XII халықаралық кітап және полиграфия көрмесі де келушілер назарына ұсынылды.
Айта кетейік, «Білім және мансап – 2024» көрмесі білім берудің барлық деңгейлері, заманауи оқыту технологиялары, оқу жабдықтары мен құралдары, жаңа оқу бағдарламалары саласындағы жетістіктерді жиырма жылдан бері ұсынып келеді. Сонымен қатар, талантты жастарды үздік оқу орындарымен байланыстыруға, бағыт-бағдар беруге, баспалдақ болуға тырысады.
KazNARU Баспасөз қызметі
