МАМАНДЫҚ ТАҢДАУ – АДАМ ӨМІРІНДЕГІ МАҢЫЗДЫ ҚАДАМ
Заман ағымына сай мамандықты дұрыс таңдай білу маңызды қадамның бірі. Әсіресе, буыны қатпаған жас шақта бағдарыңды бұрған бағдаршамың болашақта бағының ашылуына бүгін жасаған таңдауыңмен тікелей байланысты екені жазылмаған заңдылық.
Осы орайда, Қазақ ұлттық аграрлық зерттеу университеті 2024 жылдың 21 қарашасында мектеп бітіруші түлектеріне «Ашық есік» күні іс-шарасын өткізді. Университет мүмкіндігімен танысуға Жамбыл облысы, Меркі ауданының «Shabyt high school» ЖШС директоры Шулакова Нургуль Толеновна бастаған 11 сыныптың 34 оқушысы, Жетісу облысы, Талдықорған қаласының «Innoverse Taldygorgan» ЖШС Әділет Жанарбекұлының бастауымен химия-биология мамандығын таңдаған 27 оқушысы және Астана қаласының «ZIALY URPAQ» жеке меншік мектебінен 45 бітіруші түлек Бауыржан Ержанұлының жекешілігімен келді.
Іс-шарада жас қонақтарымыз оқу ордасының ғылыми-зерттеу лабороторияларымен, білім беру бағдарламаларымен танысты. Бітіруші мектеп түлектері университет мұражайынан бастап, «Өсімдіктерді микроклоналды көбейту» зертханасы, «Қазақстан-Жапондық» инновациялық орталығы, «Су Хабы-Халықаралық зерттеу орталығы», «Агротехнологиялық» Хабы,«Инновациялық саяжай» тынысын өз көздерімен көріп, болашағы үшін құнды, маңызды мәліметтерге қанық болды.
Оқушылармен университеттің Басқарма Төрағасы - Ректордың орынбасары Әбдіров Айтжан Мұхамеджанұлы, қабылдау комиссиясының директоры-жауапты хатшы Қайырбаева Айнұр Елтайқызы, сонымен қатар, қабылдау комиссиясының мамандары Бекпаева Д.Н., Жамшитова Г.Ж., сонымен қатар, “Агробиология” факультетінің деканы Абильдаев Е.С. және “Су шаруашылығы және IT” факультетінің деканы Набиоллина М.С. кездесті.
Жас қонақтарға білім ордасы арқылы әлемнің 150-ден аса университеттерімен академиялық ұтқырлықтан өтуге және екі диплом алу бағыты бойынша мүмкіндік бары айтылды. Әрі оқытылатын білім бағдарламалары, профессор-оқытушылар құрамы, практикадан өтетін база туралы толыққанды ақпарат берілді.
Оқу орнының кампусын аралап, университет атмосферасын сезінген бітіруші түлектер мұндай іс-шаралар нәтижесінде болашағын аграрлық саладағы жетекші университет KazNARU-мен байланыстыратынына сенім мол.
KazNARU Баспасөз қызметі
