KazNARU СТУДЕНТТЕРІНЕ ЛОГИСТИКА МЕКТЕБІНІҢ ЖЕТЕКШІСІ ҚОНАҚ ДӘРІСІН ОҚЫДЫ
Қазақ ұлттық аграрлық зерттеу университеті Инженерлік технологиялар факультетінің «И.В.Сахаров атындағы көлік техникасы және технологиялары» кафедрасының ұйымдастыруымен «Elite Logist» ЖШ Серіктестігінің логист маманы, логистика мектебінің жетекшісі Татьяна Евгеньевна Пак «Конвенция КДПГ Международные грузовые перевозки» тақырыбында дәріс оқыды.
Дәріске «Көлік, көліктік техникасы және технологиялары», «Көлікті пайдалану және жүк қозғалысы мен тасымалдауды ұйымдастыру» және «Логистика» (сала бойынша) білім беру бағдарламаларының студенттері, кафедра оқытушылары, сонымен қатар, Алматы темір жол көлігі колледжі студенттері қатысты.
Пак Т.Е. - 2012 жылдан бері логистика және жүк тасымалдау саласында жұмыс жасайды. 2021 жылдан бері «Elite Logist» ЖШС-де логистика мектебінің жетекшісі.
Дәріс өте қызықты, тартымды болды және бір ерешелігі сұрақ-жауап ретінде жүргізілді. Дәріскер студенттерге КДПГ конвенциясы жайлы жақсылап түсіндіріп берді. Ол құжатты 1956 жылы Женева қаласында бекітіліп қол қойылғанын, сол уақыттан бері өзінің өзектілігін жоғалтпағанын, осы құжаттың аясында барлық халықаралық даулы мәселелердің шешілетінін құлағдар етті. Студенттерде бірінен кейін бірі жарысып сұрақтар қоя бастады.
Халықаралық жүк тасымалдауға байланысты жалпы логистикалық компанияны қалай ашуға болады, қандай құжаттар дайындау керек, тағы да басқа өздерін ойландырып жүрген көптеген сұрақтар болды. Қойылған сқрақтарға Т.Пак нақты жауаптар беріп түсіндіріп отырды.
Студенттер практикаға байланысты жалпы логистика маманы болу үшін нені білу керек, нені оқу керек деген сұрақтарына да жауап алды.
Т.Пакпен бұдан кейін де тығыз ынтымақтастықта болайық деген ниет білдіріліп, университет басшылығының алғыс хаты тапсырылды. Т.Пак барлық тыңдаушыларға алғысын айтып, бірге жұмыс істеуге дайын екеніне тоқталды.
Қонақ дәріспен бірге бұл жерде Алматы темір жол көлігі колледжі студенттеріне кәсіби бағдар беру жұмысы да жүргізілді. Барлық келген студенттерге университет білім беру бағдарламалары, оның ішінде өздерінің жалғастыруға болатын мамандықтары бойынша толық қанды түсіндіру жұмыстары атқарылып, материалдар таратылды.
KazNARU Баспасөз қызметі
