ПРОФЕССОР ТАСТАНБЕК АТАҚҰЛОВТЫҢ 80 ЖАСҚА ТОЛУЫНА ОРАЙ ӨТКЕН ТУРНИР

Бүгін Қазақ ұлттық аграрлық зерттеу университетінің ардагер ұстазы, ауылшаруашылық ғылымдарының докторы, профессор, ҚР Ауыл шаруашылығы ғылым академиясының академигі Атақұлов Тастанбек Атақұлұлы 80 жасқа толуына орай, волейболдан факультет аралық турнир ұйымдастырылды.

Дене тәрбиесі және спорт кафедрасы мен Жастар ісі жөніндегі комитеттің ұйымдастыруымен өткен турнрирге KazNARU Басқарма Төрағасы – Ректордың орынбасары Абдыров Айтжан Мұхаметжанұлы қатысып, жарысқа қатысушыларға сәттілік тіледі.

Турнирге барлығы 8 команда қатысты. Барлық ойыншылар жарыста белсенділік танытып, өте жақсы өнер көрсетті. Сетканың екі жағында кезек ойнаған ала доп көрермендерді де бей-жай қалдырған жоқ. Олар өздерінің сүйікті командаларына жанашырлық білдіріп, рух беріп отырды.

Қазылар алқасы шығарған қорытынды бойынша, Әкімшілік командасы 1-орын, «Агробиология» факультеті 2-орын иеленсе, 3-орынға «Инженерлік технологиялар» факультет лайықты деп танылды.

Университет басшылығы атынан жеңімпаздарға Алғыс хаттар мен дипломдар табысталды.

Барша жеңімпаздарды шын жүректен құттықтаймыз!

KazNARU Баспасөз қызметі