«С.Сейфуллин атындағы Қазақ агротехникалық зерттеу университеті» (бұдан әрі - ҚАТЗУ) және Патрис Лумумб атындағы Ресей халықтар достастығы университеті (бұдан әрі – РХДУ), В.М.Горбатов атындағы Ресей Ғылым Академиясының азық-түлік жүйелерінің Федералды ғылыми орталығымен серіктестікте Сізді 2023 жылы 20-22 қыркүйек аралығында Астанада (Қазақстан) өтетін «Food Quality аnd Food Safety» (FQFS) (Тамақ өнімдерінің сапасы мен қауіпсіздігі) Халықаралық ғылыми конференциясына қатысуға шақырады.

Конференцияның мақсаты - тұрақты ғылыми-технологиялық дамудың басым міндеттеріне бағдарланған ғылыми және сараптамалық қоғамдастықтың, бизнес-құрылымдардың, БАҚ-тың стратегиялық әріптестігін қалыптастыру үшін азық-түлік өнімдерінің сапасы мен қауіпсіздігі саласындағы инновациялық-технологиялық дамудың және халықаралық ынтымақтастықтың өзекті міндеттерін, тетіктері мен перспективаларын сындарлы талқылау.

Конференцияның жұмыс тілдері: қазақ, орыс, ағылшын.

Конференцияға қатысу формасы: оnline және offline.

Материалдар 2023 жылдың 15 қыркүйегіне дейін қабылданады.

Конференция материалдары РХДУ және ҚАТЗУ сайттарында жарияланады және орналастырылады.

Толық ақпарат ақпараттық хатта көрсетілген.