Ауыл шаруашылығында қой өсіру өте тиімді бағыттардың бірі болып саналады. Қой өнімділігінің бағыттары әртүрлі және ол тек ет алумен шектелмейді. Бірақ қойлардың өнімділік деңгейін арттыруға тек тыңғылықты селекциялық-асылдандыру жұмыстарының нәтижесінде ғана қол жеткізуге болады. Сондықтан бұл саланың рентабельділігі көбінесе селекциялық-асылдандыру жұмыстардың деңгейіне, бағытына және ұйымдастырылуына байланысты. Егер селекциялық-асылдандыру жұмыстары дұрыс қойылса, бұл тек оның салмағы мен репродуктивтілігін ғана емес, сонымен қатар жүннің тығыздығы мен сапасын арттыруға мүмкіндік береді. Осыған байланысты, 2024 жылы Алматы облысының Тапсырыс беруші-фермерлерінің орналасқан жеріне барып, «Қой шаруашылығы бойынша селекциялық жұмыстарды ұйымдастыру және жүргізу» тақырыбында консультациялар өткізілді.

         Қой өсіруші фермерлердің тапсырысы бойынша кеңес беру үшін қарастырылатын мәселелер:

1. Қойды өнімділік бағытына қарай бонитировкалау («Мәди» ШҚ, 03.08.2024ж);
2. Қойды қолдан ұрықтандыруды ұйымдастыру және жаңғырту («Сүлеймен» ШҚ, 15.08.2024ж);
3. Қой малының ет өнімділігіін арттыру жолдары («Дәуір» ШҚ, 19.03.2024ж);
4. Қой шаруашылығы өнімдерін өндіруді ұйымдастыру мен басқару («Ерік» ШҚ, 22.08.2024ж);
5. Төл алу және жас төлді өсіру («Ынтықбай» ШҚ, 27.08.2024ж)

Шаруа қожалықтарға кеңес беруші Баймәжі Ерлік Баймәжіұлы болды.