Студенттік жатақхана

ҚҰРМЕТТІ ТАЛАПКЕРЛЕР!

Университеттің студенттік жатақханасынан орын алу үшін білім алушылар өз өтінімдерін электронды түрде 2024 жылдың 20-31 тамызы аралығында https://www.kaznaru.edu.kz/applicants/house-students сілтемесі арқылы «Өтінім беру» бөліміне орналастыруы тиіс.

Студенттік жатақханаларда орын берудің бірінші кезектегі құқығына келесі білім алушылар ие:
1) жетім балалар мен ата-анасының қамқорлығынсыз қалған балалар, сондай-ақ кәмелетке толғанға дейін ата-анасынан айырылған немесе қамқорлығынсыз қалған жастар қатарындағы Қазақстан Республикасының азаматтары, бірінші немесе екінші топтағы мүгедектігі бар адамдар, бала кезінен мүгедектігі бар адамдар, мүгедектігі бар балалар;
2) үшінші топтағы мүгедектігі бар адамдар, ата-анасының біреуі немесе екеуі де мүгедек болып табылатын адамдар, асыруашысынан айырылу жағдайы бойынша мемлекеттік әлеуметтік жәрдемақы  алатын адамдар, мемлекеттік атаулы әлеуметтік көмек алатын адамдар, жеңілдіктері бойынша Ұлы Отан соғысының ардагерлеріне теңестірілген ардагерлер, ауылдың әлеуметтік-экономикалық дамуын айқындайтын білім беру бағдарламалары бойынша оқуға түскен ауыл жастары қатарындағы адамдар, қандастар, сондай-ақ университетте оқитын бірінші жылы уақытында мерзімді әскери қызметтің белгілеген мерзімін өтеген Қазақстан Республикасының азаматтары;
3) «Мәңгілік ел жастары - индустрияға!» («Серпін – 2050») жоба шеңберінде білім алушылар;
4) бірінші курсқа қабылданған, «Алтын белгі» белгісі бар білім алушылар, президенттік, халықаралық және республикалық олимпиаданың және (немесе) конкурстың жеңімпазы немесе жүлдегері сертификаты бар білім алушылар, сондай-ақ білім туралы растайтын құжатпен (куәлік, аттестат, диплом) ұйымды үздік бітірген талапкерлер;
5) мемлекеттік білім беру тапсырысына сәйкес бірінші курсқа оқуға қабылданған, Ұлттық бірыңғай тестілеу немесе кешенді тестілеу, пәндер бойынша түсу емтихандары немесе білім беру ұйымы өткізген тестілеу нысаны бойынша жоғары балл алған білім алушылар;
6) оқу, ғылыми және қоғамдық жұмыстарда жоғары нәтижелері бар жоғары курс білім алушылары;
7) университеттің өзге де білім алушылары.

Берілген электронды өтінімдер 2024 жылдың 20-31 тамызы аралығында қаралады. Студенттік жатақханаға орналастыру бойынша Комиссия орын беруді жеңілдіктер туралы құжаттар негізінде және кезек құқығын есепке ала отырып жүзеге асырады. Комиссия өз отырысында студенттер үйінен орын алған білім алушылар тізімін бекітеді.

Студенттік жатақханадан орын алған білім алушылар үшін қажетті құжаттар:

1. Жеке куәлік көшірмесі;
2. 3*4 сурет (2 дана);
3. Студенттік жатақханада тұру үшін төлем түбіртегінің көшірмесі;

Төлем жасау тәсілдері: 1. «Halyk Bank», «Банк Центркредит», «Каspi Bank» мобильді қосымшалары арқылы; 2. Осы банктердің бөлімшелеріндегі касса арқылы. Төлем мәліметтерінде міндетті түрде білім алушының толық аты-жөні,  ЖСН, төлемнің мақсаты «Жатақхана үшін»  деп көрсетілуі тиіс.

1. Медициналық тексеруден өткені туралы анықтама (университеттің медпунктінен беріледі);
2. Флюорография суреті.

Байланыс телефоны: 8(705) 385-81-80 , 8(702) 281-14-07

Электронды пошта: vospitatel@kaznaru.edu.kz