KazNARU

ㅤㅤ«ІТ–технологиялар және автоматтандыру» кафедрасы ұлттық экономиканың қарқынды дамып келе жатқан ІТ секторы үшін жоғары білікті мамандарды дайындайды. Студенттер IT және автоматтандыру бағытында терең білім алады. Болашақта олар алған білімдерін ірі IT-компанияларда қолданып, еліміздің аграрлық секторындағы инновациялық технологияларды жаңарта алады.

ㅤㅤКафедра келесі білім беру бағдарламалары бойынша мамандарды дайындайды:

ㅤㅤㅤ–ㅤАқпараттық жүйелер;

ㅤㅤㅤ–ㅤЕсептеу техникасы және бағдарламалық қамтамасыз ету;

ㅤㅤㅤ–ㅤАвтоматтандыру және басқару.

ㅤㅤБүгінгі таңда кафедрада 1 ғылым докторы, 13 ғылым кандидаты, 1 PhD докторы, 10 ғылым магистрі қызмет етеді.

Макашев Ерлан Прмаганбетович

Кафедра менгерушici

Байланыс деректері

Телефон нөмірі +7(701)245-00-64

E-mail Makashev.Yerlan70@gmail.com

Мекенжайы 7 корпус

ㅤㅤ1996 жылы сәуірде "Ақпараттық жүйелер" (бұрынғы КСХИ) және "Мал шаруашылығындағы есептеу техникасы және модельдеу" (бұрынғы АЗВИ) кафедраларының базасында "Агрожүйелерді модельдеу"кафедрасы ұйымдастырылды. Ректордың 30.10.1997 ж. №169 бұйрығымен Білім берудің компьютерлік технологиялар орталығы (ОКТО, жетекшісі К.А. Ахметов) ұйымдастырылды, оның құрамына "Агрожүйелерді модельдеу" (каф.меңгерушісі Ахметов К.А.), "Ақпараттық жүйелер" (каф. меңгерушісі Сейдалиева Г. О.) және "есептеу орталығы" кірді. Университет құрылымының өзгеруіне байланысты және кафедралардың штатын нормативтік талаптарға сәйкестендіру мақсатында оның құрылымы мен атауы бірнеше рет өзгертілді.

ㅤㅤУниверситет бойынша 19.03.2001 жылғы № л-17 бұйрығымен "Агрожүйелерді модельдеу" және "Ақпараттық жүйелер" екі кафедрасының негізінде "Ақпараттық технологиялар және агрожүйелерді модельдеу" кафедрасы ұйымдастырылды (каф.меңгерушісі Ахметов К.А.), ол 2001-2002 оқу жылының соңына дейін жұмыс істеді.

ㅤㅤОқу процесін тиімді басқару мақсатында университет бойынша 22.08.2002 ж. №оп-212 Бұйрығымен "Ақпараттық технологиялар және агрожүйелерді модельдеу" кафедрасы екі дербес кафедраға бөлінді: "Агрожүйелерді модельдеу" (каф.меңгерушісі Ахметов К. А.) және "Ақпараттық жүйелер" (каф.меңгерушісі Сейдалиева Г. О.), олар ҚазҰАУ АТИ құрамына кірді.

ㅤㅤКейіннен кафедра "Жаратылыстану пәндері және ақпараттық технологиялар" кафедрасына айналды (каф.меңгерушісі Алдибаева Л. Т.), ол 2013 жылдан 2016 жылға дейін жұмыс істеді.

ㅤㅤКафедраның құрылымы мен штатын жақсарту мақсатында университет бойынша 18.02.2016 ж. №100-ТК бұйрығымен "Жаратылыстану пәндері және ақпараттық технологиялар" кафедрасын екі дербес кафедраға қайта құрылымдау жолымен с 04.02.2016 ж. "Автоматтандыру және ақпараттық технологиялар" кафедрасы құрылды.

ㅤㅤ2018 жылы екі кафедраның бірлестігі болды. 23.07.2018 ж. бастап бұйрыққа сәйкес "ІТ-технологиялар және автоматтандыру "кафедрасы құрылды, кафедраны ф-м.ғ. д., профессор А.У. Серікбаев басқарды және 2023 ж. қаңтарынан бастап кафедраны п. ғ. к., доцент Эльмира Амангелдіқызы Аманбаева басқарады.

ㅤㅤ"ІТ-технологиялар және автоматтандыру" кафедрасының профессорлық-оқытушылық құрамы жаңа буын мамандарының кәсіби, ғылыми-техникалық, оқу-әдістемелік даярлығының жоғары деңгейін қамтамасыз етеді.

ㅤㅤ7М06102 - "Ақпараттық жүйелер" ББ магистранттарын даярлау 2004 жылдан бастап ғылыми – педагогикалық және бейіндік бағыт бойынша техникалық ғылымдар магистрі академиялық дәрежесін бере отырып, 02.07.2008 жылғы №0062189 мемлекеттік лицензия негізінде жүзеге асырылады (1, 1.1-Қосымша).

ㅤㅤДайындық үш тілде жүргізіледі: мемлекеттік, орыс және ағылшын.

ㅤㅤ2020-2021 оқу жылында Қазақ ұлттық аграрлық университеті жыл сайын өткізілетін жоғары оқу орындарының ұлттық рейтингіне және "Аккредиттеу және рейтингтің тәуелсіз агенттігі (АРТА)"агенттігінің ББ-на қатысты.

ㅤㅤОсы рейтингте ҚАЗҰАЗУ ҚР ТОП-20 ЖОО арасында алтыншы орынды иеленді.

ㅤㅤБілім берудегі сапаны қамтамасыз ету жөніндегі Тәуелсіз агенттіктің нәтижелері бойынша - 2016 жылғы рейтинг 7M06102-"Ақпараттық жүйелер" мамандығы 6-орынды иеленді.

ㅤㅤҚазақ ұлттық аграрлық университетінде 2016 жылғы 08-10 қараша аралығында тәуелсіз аккредиттеу және рейтинг агенттігінде 18 білім беру бағдарламасының Ұлттық мамандандырылған аккредиттеуі өтті. Аккредиттеу рәсіміне сәйкес ВЭК бірінші проректормен және проректорлармен, факультет декандарымен, кафедра меңгерушілерімен және университеттің құрылымдық бөлімшелерінің басшыларымен кездесті. ВЭК білім берудің үш деңгейі бойынша 18 білім беру бағдарламасын мамандандырылған аккредиттеу шеңберінде: бакалавриат-магистратура-докторантура Қазақстан-Жапон және Қазақстан-Корей инновациялық орталықтарына, ғылыми кітапханаға, су ресурстары орталығына, O. Сүлейменов атындағы әлеуметтік - гуманитарлық білім және тәрбие институтына, "Time to study"лингвистикалық білім беру орталығына барды. Сондай-ақ, сыртқы сарапшылар бітіруші кафедраларға, оқу зертханаларына, білім беру бағдарламалары бойынша практика базаларына барды. ПОҚ, магистранттармен, докторанттармен, жұмыс берушілермен және білім беру бағдарламаларының түлектерімен кездесу-әңгімелер өтті.

ㅤㅤ"Атамекен" ҚР ҰКП ЖОО-ларының білім беру бағдарламалары рейтингінің нәтижелері бойынша 7m06102 - "Ақпараттық жүйелер" мамандығы 2 орын алды.

ㅤㅤКафедрада "Агрожүйелерді модельдеу", "Компьютерлік желілер"ғылыми-зерттеу зертханалары жұмыс істейді.

ㅤㅤКафедрада ББ бойынша университеттің жоғары білікті профессорлық-оқытушылық құрамы қызмет атқарады: 1 доктор, 5 ғылым кандидаты, 1 PhD, 10 магистр.

ㅤㅤКафедра оқытушылары ф.-м.ғ.к., қауым. профессор Тенгаева А.А. және PhD Медетбаева С.А. шетелде кадрлар даярлау жөніндегі Республикалық комиссияның 20.12.2023ж. шешімімен “Болашақ” Халықаралық стипендиясына ие болған. 2024 жылғы 1-ші наурызынан бастап “500 ғалым” ғылыми тағылымдама бағдарламасы бойынша Германияның Бремен қаласындағы “Constructor University” университетінде ғылыми тағлымдамадан өтуде. Ғылыми тағылымдама бағыты “Инженерлік ғылымдар саласындағы басқару”

ㅤㅤ2023 жылы магистратураның 7М06106 Ақпараттық жүйелер білім беру бағдарламасы ENQA,EQAR белгілерін алды.

ㅤㅤ2023 жылдың 21 сәуір күні Физика, математика және цифрлық технологиялар институты, Ақпараттық технологиялар және кітапхана ісі кафедрасының ұйымдастыруымен «В011- Информатика мұғалімдерін даярлау» және «В057 Ақпараттық технологиялар» білім беру бағдарламалары бойынша ЖОО студенттері арасында Республикалық «IQ-АЛАМАН 2023» интеллектуалды сайысы өтті. Аталған жарыста кафедрамыздың студенттері Әміржан Е.Н., Күнбол Ө., Ұйқасбек Н.А. жүлделі 3 орынды жеңіп алды. Жетекшісі Чингенжинова Ж.С.

ㅤㅤҒылыми-зерттеу жұмыстары кафедра қызметінің негізгі бағыттарының бірі болып табылады. «IT -технологиялар және автоматтандыру» кафедрасында практикалық маңызы бар қолданбалы жұмыстар жүргізіледі. Соңғы 3 жылда кафедра профессорлары білім алушылармен бірге Web of Science және Scopus деректер базасына енгізілген рецензияланған ғылыми басылымдарда 12 мақала, сонымен қатар РИНЦ и және ККСОН журналдарында 37 мақала жариялады.

ㅤㅤКафедраның профессорлық-оқытушылық құрамы Қазақстан Республикасы Білім және ғылым министрлігі, сондай-ақ Қазақстан Республикасы Ауыл шаруашылығы министрлігі өткізетін түрлі гранттық жобалар конкурстарына қатысады. Кафедра профессорлары Ахметов Қ.А., Сейдалиева Г.О. және аға оқытушы Тойлыбаев Н.С. гранттық қаржыландырылған жобалардың орындаушылары болып табылады.

ㅤㅤМагистранттардың ғылыми-зерттеу жұмыстарына жетекшілік етуді кафедра оқытушылары арнайы курстар көмегімен және ғылыми жобалар бойынша жеке консультациялар арқылы жүзеге асырады. Жұмыстың нәтижелері ғылыми конференциялардағы баяндамаларда және журналдардағы жарияланымдарда көрсетіледі.

ㅤㅤКафедрада студенттердің ғылыми-зерттеу жұмыстарын ұйымдастыру ғылыми студенттік үйірмелер арқылы жүзеге асырылады. Қазіргі уақытта «IT-технологиялар және автоматтандыру» кафедрасында «Жаңа цифрлық технологиялар» ғылыми үйірмесі жұмыс істейді, оған 44 студент қатысады. Үйірме отырыстарында кафедра студенттері баяндама жасайды.

ㅤㅤУниверситетте жыл сайын жас ғалымдарға арналған халықаралық ғылыми-тәжірибелік конференциялар, сонымен қатар студенттік ғылыми конференциялар мен стартап жобалар байқаулары өткізіледі. «IT-технологиялар және автоматтандыру» кафедрасының студенттері негізінен агроинженерия және агроөнеркәсіптік кешендегі IT-технологиялар бойынша белсенді қатысып, баяндамалар жасайды.

ㅤㅤ06.10.2023 күні «ІТ-технологиялар және автоматтандыру» кафедрасының оқытушылары: Тойлыбаев Н.С, Самбеткулова Н.Н, Емир Кады оглу А.Н және 1-курс студенттерімен ұстаздар мерекесіне орай «Ұстаздың жолы-ұлы жол» атты тақырыпта тәрбиелік іс-шара ұйымдастырылды.

ㅤㅤМақсаты: Ұстаздың адам өмірінде алатын орыны зор екендігін, ұстаздарды сыйлау және қадірлеу қасиеттерін студенттердің бойына дарыту. Ұстаз еңбегін әрқашан бағалау, оқытушымен студенттердің арасындағы байланысты нығайту. Ұстазға құрмет көрсету, лебіз білдіру, адамгершілік қасиеттерге тәрбиелеу.

ㅤㅤ«Автоматтандыру және басқару» мамандығының 1-курс студенті Исембаев Алинұр өзі шығарған «Ұстаздар мерекесіне арнауын» оқытушыларға тарту етті.

ㅤㅤ13.12.2023 күні «ІТ-технологиялар және автоматтандыру» кафедрасының п.ғ.к., қауым. профессоры Скабаева Гульмира Несипбаевна және аға оқытушы Самбеткулова Н.Н 1-курс студенттерімен «Тәуелсіздік – аңсаған арман, жеткен мұрат» 16-Желтоқсан атты тақырыпта мерекелік іс-шара ұйымдастырылды.

ㅤㅤТәуелсіздік - ең басты құндылығымыз.Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата - бабаларымыз ғасырлар бойы армандап, күтумен өтті.

ㅤㅤСтуденттер өз өнерлерімен, билерін қонақтарға және оқытушыларға тарту етті.

ㅤㅤ«ІТ-технологиялар және автоматтандыру» кафедрасының меңгерушісі Аманбаева Э.А профессор-оқытушыларды төл мерекесімен құттықтап, тілек білдірді. Студенттер оқытушыларға өз шығармаларынан өлең жолдарын оқып, «Kahoot» ойынын ұйымдастырып, студенттерге сыйлықтар таратылды.

ㅤㅤ01.03.2024 күні кафедрада «Алғыс айту-парызым!» атты алғыс айту күніне арналған мерекелік іс шара өткізілді.

ㅤㅤМақсаты: студенттердің «сыйластық» құндылығы туралы түсініктерін кеңейту. Ризашылық, рахмет, алғыс айту туралы түсінік беру.Үлкен - кішіге деген сүйіспеншілігін, сыпайылық қарым - қатынасын дамыту. Әдептілікке, кішіпейілділікке, ізеттілікке тәрбиелеу. Алғыс - адамның адамға жасаған жақсылығы, көмегі, көңілі үшін ризашылық білдіруі, сондай - ақ оның ойы мен іс-әрекетіне, жасаған істеріне жоғары баға беруі. Аталған тәрбиелік іс-шараны 1-курс «Ақпараттық жүйелер»-мамандығының студенттері мен қауым. проф., п.ғ.к Скабаева Г.Н., аға оқытушы Самбеткулова Н.Н ұйымдастыруымен өткізілді. «Инженерлік-техникалық» факультет декан орынбасары Жукина А.Б, «ІТ-технолгиялар және автоматтандыру» кафедрасының меңгерушісі Аманбаева Э.А қонақтарды, студенттерді, профессор-оқытушылар қауымын мерекемен құттықтап, тілек білдірді. «Ақпараттық жүйелер» мамандығының 1-курс студенттері оқытушыларға өз шығармаларын, әндері мен билерін тарту етті.

ㅤㅤ«ІТ-технологиялар және автоматтандыру кафедрасы» студенттердің академиялық ұтқырлығын және де әлемнің үздік университеттерімен серіктестікті белсенді жүзеге асырады.

ㅤㅤОлардың ішінде QS рейтінгісіне кіретін алдынғы қатарлы университеттер:

Путра университеті, Малайзия;
Әулие Иштван университеті, Венгрия;
Жаратылыстану ғылымдары университеті, Чехия;
Томск политехника университеті, Ресей;
Өзбекстан Ұлттық университеті, Өзбекстан;
Ташкент мемлекеттік аграрлық университеті, Өзбекстан;
Ташкент мемлекеттік аграрлық университеті, Өзбекстан;
Қырғыз ұлттық аграрлық университеті, Қырғызстан.

ㅤㅤФерғана мемлекеттік университеті 25.09.2023ж-30.09.2023ж аралығында Аманбаева Е.А. , профессор, «АТ – технологиялар және автоматтандыру» кафедрасының меңгерушісі дәріс оқуға және семинарлар өткізуге шақырылды.

ㅤㅤҒылыми зерттеулерді гранттық қаржыландыру шеңберінде кафедраның аға оқытушылары Н.С. Тойлыбаев пен Г. К. Ордабаева 23.05.2023 ж. бастап 30.05.2023 ж. дейін "ВИМ федералдық ғылыми агроинженерлік орталығы" федералды мемлекеттік бюджеттік ғылыми мекемесінде (ФМБНУ ФНАЦ ВИМ, Мәскеу қ.) іссапарда болды.

Аманбаева Э.А. / Педагогика ғылымдарының кандидаты, профессор

Сейдалиева Г.О. / Ауылшаруашылығы ғылымдарының кандидаты, профессор

Киргизбаева Б.Ж. / Физико-математика ғылымдарының кандидаты, профессор

Ахметов К.А. / Техника ғылымдарының кандидаты, профессор

Абдильдин Н.К. / Техника ғылымдарының кандидаты, профессор

Скабаева Г.Н. / Педагогика ғылымдарының кандидаты

Кенбаева Г.К. / Педагогика ғылымдарының кандидаты, қауымдастырылған профессор

Тенгаева А.А. / Физико-математика ғылымдарының кандидаты, қауымдастырылған профессор

Жукина А.Б. / Физико-математика ғылымдарының кандидаты, қауымдастырылған профессор

Курманкулова Г.Е. / Педагогика ғылымдарының кандидаты, қауымдастырылған профессор

Жанатауов С.У. / Физико-математика ғылымдарының кандидаты, қауымдастырылған профессор

Медетбаева С.А. / PhD, аға оқытушы