KazNARU КӘСІБИ БАҒДАР БЕРУ ЖҰМЫСТАРЫН ЖАЛҒАСТЫРУДА
Қазақ ұлттық аграрлық зерттеу университетінің өкілдері кәсіби бағдар беру жұмыстары аясында мектеп бітіруші оқушылармен кездесулерін белсенді жалғастыруда.
KazNARU спикерлері оқушыларға аграрлық жоғары білім алудың маңыздылығын түсіндіріп, университеттегі білім беру бағдарламаларының ерекшеліктерін айтып, екі дипломға ие болғысы келетін талапкерлерді оқу ордамызға шақыруды басты назарда ұстайды.
Атап айтқанда, Қабылдау комиссиясының кестестіне сәйкес, кәсіби бағдар жұмыстары аясында, «Инженерлік технологиялар» факультетінің И.В.Сахаров атындағы «Көлік техникасы және технологиялары» кафедрасының меңгерушісі, қауымдастырылған профессор Марат Шүренов және инженер Е.Жұмағалиев, «Тағам өнімдерінің технологиясы және қауіпсіздігі» кафедрасының қауымдастырылған профессоры Ақылжан Қожабергенов, профессор Айгүл Тимурбекова және аға оқытушылар Айгүл Алмағанбетова, Нұрдан Динаш U - Study орталығында болып қайтты.
Сондай-ақ, И.В.Сахаров атындағы «Көлік техникасы және технологиялар» кафедрасының аға оқытушылары Айсәуле Күнтуғанқызы және Мақұлбек Өндірбаев ЮСТАДИ-де кәсіби бағдар беру жұмыстарын жүргізді.
Университет оқытушылары ЮСТАДИ базасында кәсіби бағдар беру жұмысын қоса жүргізуде. Кездесу барысында мектеп бітірушілерге университеттің факультеттері мен түрлі мамандықтар туралы мәліметтер таратылды. Талапкерлерді қызықтырған сұрақтарға жауаптар қайтарылып, қосымша әскери мамандықтар жайлы кеңестер берілді.
Мектеп бітіруші түлектер үшін кәсіби бағдар беру жұмыстары одан ары жалғаса бермек. Бұл насихаттық іс-шаралар болашағын айқындағысы келетін жастардың өз мамандықтарын дұрыс таңдауына тікелей ықпалы тиетіні анық.
KazNARU Баспасөз қызметі
