KazNARU ӨКІЛДЕРІ ШЫРАЙЛЫ ШЫМКЕНТ ПЕН ҚАСИЕТТІ ТҮРКІСТАН ӨҢІРІНДЕ
«Кәсіптік бағдар беру» жобасы аясында жасақталған Қазақ ұлттық аграрлық зерттеу университетінің «Су ресурстары, жер және орман ресурстары» факультетінің профессор-оқытушылар құрамы мен белсенді студенттерінен жасақталған арнайы топ өз сапарын шырайлы Шымкенттен бастап, киелі Түркістан өңіріне аяқ басты.
Топ құрамында «Орман ресурстары, аңшылықтану және балық шаруашылығы» кафедрасының профессоры Абаева Құрманкүл Төлеутайқызы, кафедраның аға оқытушысы Жорабекова Жадыра Түзелбайқызы, «Аңшылықтану және аңшаруашылығы» мамандығының 2 курс магистранты Адина Сламбаева, бакалавриаттың 3 курс студенті Шыңғыс Тұран бар.
Негізгі мақсат – биылғы мектеп бітірушілерге болашақ мамандығын дұрыс таңдауға бағыт беру, ауылшаруашылығы маманы боламын деген талапкерлерге KazNARU факультеттерінің салалық ерекшеліктерін таныстыру.
Кездесу барысында топ мүшелерін Шымкент қаласы Білім басқармасы басшысының м.а. Арыкова Ақжан Абдешқызы, Түркістан облысы Төле би ауданы Білім бөлімі басшысының м.а. Жақыпов Бақытғали Тұрарұлы қабылдап, екі тараптық қарым-қатынас орнату және бірігіп жұмыс жасау туралы ынтымақтастық туралы Меморандумға қол қойылды. Сондай ақ, қолдау көрсетуші жауапты тұлғаларға университет Ректорының Алғыс хаты табысталды.
Одан ары Төле би ауданы бойынша кәсіби бағдарға жауапты әдіскер Жұманова Салтанат Насырханқызы қарсы алып, аудан бойынша 68 мектеп барын, соның ішінде 52 мектепте 1427 бітіруші түлектер оқитынын жеткізді.
Мектеп бітірушілерге KazNARU туралы ақпарат жарияланған буклеттер, қосымша материалдар таратылып, қызықты викториналар мен тренингтер жүргізілуде.
Кездесуге қатысушылар өте қызығушылық білдіріп, өздерін толғандырып жүрген түрлі сауалдарын қойып, кең көлемде ақпараттар алуда.
KazNARU әлемдік «QS Asia» рейтингісі бойынша Орталық Азияда үздік жоғары оқу орындары арасында 6-шы орында, «QS Sustainability» рейтингісінде Қазақстан бойынша 5-ші орындағы университет.
Бізді таңдау арқылы сіздер үлкен өмірге жолдама аласыздар!
Аграрлық мамандықтар сіздерді зор табыстар мен жетістіктерге бастайды!
KazNARU Баспасөз қызметі
