ОНЕКІ АЙДЫҢ СҰЛТАНЫ – РАМАЗАН АЙЫНДАҒЫ АУЫЗ АШАР

2024 жылдың 14 наурызыда Қазақ ұлттық аграрлық зерттеу университетінің «Алтын дән» мейрамханасында оқу ордасының ұжымы мен студенттер үшін арнайы ауызашар берілді.

Білім шаңырағында қызмет істейтіндер мен оқитын үлкен-кішілердің басын қосып, ауызашарды ұйымдастырған KazNARU Басқарма Төрағасы - Ректордың инфрақұрылымды дамыту және әлеуметтік мәселелер жөніндегі орынбасары Сұлтанғазиев Қуат Елеусізұлы қасиетті Рамазан айында жасалатын ең абзал амалдардың бірі осы ауызашар дәстүрі екенін атап өтіп, жиналған барша қауымды «Көрісу күні – Амал мерекесінің» басталуымен құттықтады.

Бағзыдан келе жатқан игі әдет-ғұрпымыздың жалғасы болып табылатын ауызашар дастарқаны адамдар арасындағы жылы жүздесудің, бір-біріне деген ізгі тілектерін білдіретін сыйластықтың рухани қайнар көзі саналады.

KazNARU Академиялық мәселелер жөніндегі Атқарушы директор - Проректор Абдыров Айтжан Мухамеджанұлы мен Баспасөз қызметінің жетеккшісі, белгілі жазушы, Халықаралық «Алаш» сыйлығының лауреаты Қайым-Мұнар Табеев студент жастарға ақ батасын беріп, өмір жолдарына сәттілік тіледі.

Айта кетейік, биылғы жыл елімізде Әз-Наурыз Рамазан айына тұспа-тұс келіп, мән-мағынасы мен мазмұны жаңғырып, түрлі мәдени көпшілік және қайырымдылық іс-шараларын қамтитын онкүндікке ұласпақ.

14 наурыз – Көрісу күні – Амал мерекесі

15 наурыз – «Қайырымдылық күні»

16 наурыз – «Мәдениет және ұлттық салт-дәстүр күні».

17 наурыз – «Шаңырақ күні»

18 наурыз – Ұлттық киім күні

19 наурыз – Жаңару күні.

20 наурыз – Ұлттық спорт күні

21 наурыз– Ынтымақ күні

22 наурыз – Жыл басы

23 аурыз – Тазару күні

«Наурызнама» онкүндігі аясында еліміздің барлық өңірінде этноауылдар құрылып, бүкілхалықтық мәдени-спорттық іс-шаралар, жәрмеңкелер, фестивальдар, әдеби-музыкалық кештер, концерттер, түрлі байқаулар мен жарыстар ұйымдастырылады.

KazNARU Баспасөз қызметі