Спартакиаданың ашылуы
ㅤㅤ2024 жылдың 16 наурызында Қазақ ұлттық аграрлық зерттеу университетінің спорт залында XXІ факультетаралық студенттер Спартакиадасының ашылу салтанаты болып өтті.
ㅤㅤСпартакиаданың негізгі мақсаты – студенттерді дене шынықтыру және спортпен тұрақты айналысуға тарту, сондай-ақ олардың денсаулығын нығайту, спорттық шеберлігін жетілдіру, жаңа чемпиондарды анықтау болып табылады.
ㅤㅤЖарысқа қатысушыларды университет басшылығы атынан KazNARU Академиялық мәселелер жөніндегі Атқарушы директоры – Проректор Абдыров Айтжан Мухамеджанұлы спорт жарысының ашылуымен және Наурыз мерекесімен құттықтады.
ㅤㅤСпартакиаданың ашылу рәсміне факультет декандары – Ержан Абилдаев, Ләззат Әлдібаева, Гүлмира Алпысбаева, Бибипатыма Еренова, Динара Ажинурина, ардагер спортшылар мен студенттер қатысты. Талантты жастардан құралған би тобы өнер көрсетіп, жиналғандарға тамаша көңіл–күй сыйлады.
ㅤㅤФакультеттер атынан додаға түсіп отырған барлық командаларға күш–қуат, жеңіске деген жігер тілейміз! Дереккөз
