KazNARU еріктілері «Алматы - біздің ортақ үйіміз» атты экологиялық науқанға белсене атсалысуда
Президент Қасым-Жомарт Тоқаев облыстар мен қалалардың әкімдеріне аумақтарды абаттандыру, көгалдандыру жөнінде бірқатар тапсырма беріп, бұл жұмысқа тұрғындармен бірге еріктілерді тұрақты түрде тарту маңызды екенін атап өтті. Осыған сәйкес қала әкімі жариялаған «Алматы – біздің ортақ үйіміз» бір айлық науқанында біздің университеттің еріктілері студент жастарды жалпы экологиялық акцияларға қатысуға және Алматының дамуы мен абаттандырылуына өз үлесін қосуға шақырды.
Науқан жоспары бойынша келесі аптада қалада – «Біздің қала — біздің аула, біздің үй» көшет отырғызу мен аулаларды абаттандыру апталығы өтеді.
Ал 20 сәуірде Алматыда жалпықалалық сенбілік өтеді. Үшінші аптада, яғни 22-28 сәуір аралығында — «Біздің қала-біздің таулар, өзендер мен көлдер» — тау бөктерінде, саябақтарда, скверлер, жағалау мен су айдындарын тазартуға арналған. «Біздің қала – біздің мақтанышымыз» деп аталатын соңғы апта қорытындылауға арналады. Бұл - ескерткіштер мен мәдениет нысандарын тазарту апталығы. 1 мамырда 65 қалалық субұрқақты іске қосу жоспарлануда. Науқан 8 мамырда белсенді қатысушыларды марапаттаумен аяқталады.
Осы науқан аясында 15-19 сәуір аралығында университетте «Ең таза оқу корпусы» және «Үздік жатақхана» байқаулары жарияланды.
Мақсат - оқу корпустарының, студенттік жатақханалардың іші-сыртын таза ұстау, табиғат пен қоршаған ортаға деген көзқарас әр адамның өзінен басталатынын ұғындыру, жоғары азаматтық жауапкершілік пен экологиялық мәдениетке тәрбиелеу.
Байқаулар барысында оқу корпустарының, студенттік жатақханалардың ішкі тазалығы, сыртқы аумағын жөндеу, ретке келтіру, абаттандыру, гүл отырғызу, қоршаулар мен жол жиектерін ағарту және сырлау (бояу материалдарымен әкімшілік-шаруашылық бөлімі қамтамасыз етеді) бойынша жасалған жұмыстардың нәтижесі ескеріледі.
Науқан туралы бейнематериалдарымыз Іnstagram-дағы парақшамызда жарияланып отырады.
Байқау қорытындысы 19 сәуір күні шығарылады. Байқаулардың жеңімпаздары сыйлықтармен, алғысхаттармен марапатталады.
Барлықтарыңызды «Ең таза оқу корпусы» және «Үздік жатақхана» байқауларына белсене қатысып, азаматтық белсенділік танытуларыңызды сұраймыз!
#АлматыНашОбщийДом, #НасМногоГородОдин, #АлматыБіздіңОртақҮйіміз, #БізКөппізҚалажалғыз.
@akimat_almaty
#ҚазҰАЗУжастары #KazNARU
