KazNARU БАЗАСЫНДА ҚАРАҚАЛПАҚСТАН ҒАЛЫМДАРЫ БІЛІКТІЛІКТІ АРТТЫРУ КУРСЫН АЯҚТАДЫ

Қарақалпақстан ауыл шаруашылығы және агротехнология институтынан келген профессор-оқытушылар құрамына 144 сағаттық біліктілікті арттыру курсынан өткені туралы сертификаттар табысталды.

Біліктілікті арттыру курстары профессор-оқытушылардың педагогикалық қызметін нәтижелі атқаруын және кәсіби деңгейін көтеру мақсатында арнайы оқу бағдарламалары арқылы оқыту, кәсіби білімін дамытуды көздейді.

Курсты бітірушілерге KazNARU Академиялық мәселелер жөніндегі Атқарушы директоры – Проректор, педагогика ғылымдарының докторы Айтжан Абдыров арнайы сертификаттар тапсырып, сәттілік тіледі.

Қарақалпақстандық ғалым әріптестерімізді кезекті шыққан белестерімен құттықтаймыз және алдағы қызметтеріне сәттәләк тілейміз!