KazNARU ҚАБЫЛДАУ КОМИССИЯСЫ ӨЗ ЖҰМЫСЫН БАСТАДЫ
2024 жылғы 20 маусымда еліміздегі ең ірі, 95 жылдық тарихы бар ежелгі жетекші оқу ордасы – Қазақ ұлттық аграрлық зерттеу университетінің Қабылдау комиссиясы ресми өз жұмысын бастады.
Қабылдау комиссиясы 20.06 – 25.08.2024 жж. аралығында жұмыс істейтін болады.
Бакалавриатқа мемлекеттік білім беру тапсырысы бойынша конкурсқа қатысуға өтініштерді қабылдау мерзімі: 2024 жылдың 13 – 20 шілде аралығында.
Мемлекеттік білім беру тапсырысының нәтижесі бұқаралық ақпарат құралдарында ресми жарияланғаннан кейін, талапкерлердің бакалавриатқа оқуға құжаттарын тапсыру мерзімі 2024 жылдың 10 – 25 тамыз аралығында.
Бүгін бізде білім алуға ниет білдіріп, алғашқы болып құжат тапсырған талапкерлерге университет логотипі бейнеленген блокнот, қалам, естелік сыйлықтар берілді.
Құрметті талапкерлер! Биыл «Ауыл шаруашылығы және биоресурстар», «Ветеринария» білім беру бағдарламалары үшін шекті балл – 50.
Студенттеріміз жоғары стипендия алады.
KazNARU Алматыдағы студенттерін 100 пайыз жатақханамен қамтамасыз еткен жалғыз оқу ордасы.
Бізбен бірге сапалы білім алып, өздеріңіз үшін жаңа мүмкіндіктерді ашыңыздар!
Екі дипломды білікті маман атанғыңыз келсе, келіңіздер, күтеміз!
Қабылдау комиссиясы әрбір талапкердің сұрақтары бойынша толық жауап беріп, көмек көрсетуге дайын.
Тел.: +7 (727) 264-06-13
WhatsApp +7 747 264 08 54
e-mail: 024Kaznau_pk@mail.ru
Мекен-жайымыз: Алматы қ-сы, Абай даңғылы, 8
KazNARU Баспасөз қызметі
