АРАЛЫҚ ҚОРЫТЫНДЫЛАР: ЕКІ АПТА ІШІНДЕ 79 МЫҢ ТАЛАПКЕР ҚАҢТАР АЙЫНДАҒЫ ҰБТ-НЫ ТАПСЫРДЫ

Қаңтар айындағы ҰБТ-ның екі аптасында 79 мыңнан астам адам тест тапсырды. Шекті балды 70%-ға жуық талапкер жинады. Тестілеу нәтижесі бойынша орташа балл 65 балды құрады. Ең жоғары балл – 137, оны екі оқушы жинады.

Тестке қатысушылардың 76,8%-ы қазақ тілінде, 23,1%-ы орыс тілінде, 46 адам ағылшын тілінде тестілеуден өтті.

Талапкерлердің басым бөлігі, 16,9%-дан «Математика-Физика» және «Биология-Химия» пәндер комбинациясын тапсырды. 10,3%-ы «Шығармашылық емтихан» комбинациясын таңдаған. Ең аз таңдалған комбинация – «Химия-Физика», оны 105 адам тапсырған.

Естеріңізге сала кетсек, қаңтар ҰБТ-сы 13 қаңтар мен 10 ақпан аралығында өтеді. Тестілеуге қатысуға 167 мыңға жуық талапкер ниет білдірген.