KazNARU БАЗАСЫНДАҒЫ «ТИАШМИИ» ҰЛТТЫҚ ЗЕРТТЕУ УНИВЕРСИТЕТІ ФЛИЛИАЛЫНЫҢ КӨРМЕСІ БАСТАЛДЫ
ҚР Ғылым және жоғары білім министрлігінің ұйымдастыруымен талантты жастарды қолдау және жоғары білімнің қолжетімділігін қамтамасыз ету мақсатында 2025 жылғы 28 қаңтар мен 30 сәуір аралығында еліміздің жоғары оқу орындарына, сондай-ақ ел аумағында орналасқан шетелдік жоғары оқу орындарының филиалдарына түсу үшін оқушылар мен жастар арасында кәсіптік бағдар беру жұмыстары жүргізіледі.
Осы шара аясында 2025 жылдың 30 қаңтарында Алматы қаласындағы Оқушылар сарайында Қазақ ұлттық аграрлық зерттеу университетінің базасындағы «Ташкент ирригация және ауылшаруашылығын механикаландыру инженерлері институты» ҰЗУ филиалының көрмесі ашылды. Филиал директоры, техника ғылымдарының докторы, профессор Абдурахим Бердишев келушілерге жаңа оқу ордасы туралы түсіндірме жұмыстарын жүргізуде.
«Екі мемлекеттің Президенттерінің қолдауымен 2024-2025 оқу жылында ашылған Филиалда оқыту процесі Қазақстан Республикасы мен Өзбекстан Республикасының мемлекеттік білім беру стандарттары негізінде Университет бекіткен оқу жоспарлары мен бағдарламаларына сәйкес жүргізіледі. Университет Жарғысына сәйкес, Ұлттық бірыңғай тестілеуден 50 шекті балл жинаған Қазақстан азаматтары мен шетел азаматтары оқи алады. Агросектор саласында жаңа инновациялық технологияларды меңгерген, бәсекеге қабілетті су шаруашылығы мамандарын даярлау 2+2 принципімен жүзеге асырылады. Бітіруші түлектер екі университеттің дипломын алып шығалы», - дейді Абдурахим Сулейманұлы.
Студент екі жыл КазNARU базасында, екі жыл Филиалда төмендегідей білім бағдарламасымен оқиды.
• «6B08604 – Су шаруашылығы және мелиорация».
• «7M08610 – Су ресурстарын кешенді пайдалану және басқару».
• «8d08607 – Мелиорация және суармалы егіншілік».
Студенттер жан-жақты білім алуы үшін зәулім оқу ғимараты, оқу залдары, заманауи тәжірибелік зертханалар, көмекші техникалық жабдықтармен және жайлы жатақханамен қамтамасыз етілген.
Қазіргі уақытта Филиалда «Су шаруашылығы және мелиорация», «Су ресурстарын кешенді пайдалану және басқару», «Мелиорация және суармалы егіншілік» білім бағдарламасымен қазақстандық 31 студент оқып жүр.
Келісімшарт аясында 2024 жылы КазNARU-дың 15 студенті «Су ресурстары және суды пайдалану» білім бағдарламасы бойынша Ташкентте бакалавриатта оқып қайтты.
Құрметті мектеп бітіруші талапкерлер! Сіздерді Орта Азияда теңдесі жоқ жаңа оқу ордасы – су шаруашылығы мамандарын даярлайтын жаңа Филиалда жоғары білім алуға шақырамыз!
Келіңіздер! Болашаққа қадамды бізден бастаңыздар!
Мекен-жайымыз: Алматы қаласы, Абай даңғылы, 8
KazNARU Баспасөз қызметі
