KazNARU-да ЖЕТІСУ ОБЛЫСЫ МЕКТЕП БІТІРУШІЛЕРІ ТҮЛЕКТЕРІ ҮШІН АШЫҚ ЕСІК КҮНІ ӨТКІЗІЛДІ

2025 жылдың 27 наурызында Қазақ ұлттық аграрлық зерттеу университетінде Жетісу облысы әкімінің «Әдеп-құқық жұмысы жөніндегі ментор» жобасы аясында Талдықорған, Текелі қалаларының және Алакөл, Ақсу, Ескелді, Көксу, Кебұлақ, Қаратал, Сарқан аудандарының мектеп бітіруші түлектеріне «Ашық есік» күні өткізілді.

Кездесуге факультет декандары және «Әдеп-құқық жұмысы жөніндегі ментор» жобасын басқарушы бөлім басшысы Сағынай Дәулет Абайұлы және мектеп оқушылары қатысты.

Оқу орнының мүмкіндігін, білім бағдарламалары мен тарихын қабылдау комиссиясының жетекші маманы Бекбаева Динара Нүсіпқызы толық таныстырды. Әрі мектеп бітірушілерге университет туралы танымдық ақпараттар берілді.

Түлектерге университетіміздегі Агрохаб, «Су ресурстарын басқару» ғылыми орталығы, Қазақстан-Жапон инновациялық және Халықаралық вакционология орталықтары, Өсімдіктерді микроклоналды таралуы зертханасы, Ветеринариялық клиникамен, зертханалар, сонымен қатар, әскери кафедра, ғылыми кітапхана, мұражай, спорт кешені, университет жатақханалары мен оқу ғимараттары таныстырылды.

Әр ауылдан өз оқушыларына бастап келген Әліпбек Айдана Нүспекқызы, Абенова Гульшат Нысанбаевна, Жұман Қанат Бағланұлы, Шаяхмет Аблай Молдағалиұлы, Нусипжанов Саян Айдарулы, Максимова Анар Мақсүтқызы болды

Мектеп бітіруші жастар университет өмірімен, студенттермен жақын танысып, үлкен әсерге бөленгендерін жеткізді.

KazNARU Баспасөз қызметі