KazNARU СТУДЕНТІ АЯУЛЫМ ЖҰМАДІЛ РЕСПУБЛИКАЛЫҚ ҒЫЛЫМИ-ПРАКТИКАЛЫҚ КОНФЕРЕНЦИЯДА ТОП ЖАРДЫ

2025 жылдың 27 наурызында Қазақстан Республикасы Ұлттық Қауіпсіздік Комитетінің Шекара академиясы «Курсанттардың ғылыми шығармашылығында ұлттық қауіпсіздікті қамтамасыз етудің теориясы мен тәжірибесін дамыту» тақырыбында республикалық ғылыми-практикалық конференция ұйымдастырған болатын.

Жүздеген үміткер қатысып, бақ сынаған үлкен шығармашылық конференцияда Қазақ ұлттық аграрлық зерттеу университеті «Бизнес және құқық» жоғары мектебі «Құқықтану» мамандығының 2-ші курс студенті Аяулым Жұмаділдің еңбегі 1-ші орынға лайық деп танылды.

Студенттің «Есірткі немесе психотроптық заттардың заңсыз айналымының қоғамдық қауіптілігінің алдын алу» мәселесі бойынша жасаған баяндамасы өзінің көтерген мәселесі мен ауқымдылығы жағынан бірауыздан әділқазылар алқасының жоғары бағасына ие болды.

Сабағын өте жақсы оқып, қоғамдық жұмыстарға да белсене қатысып жүрген үлгілі студент Аяулым Жұмаділдің ғылыми жетекшісі: «Құқық» кафедрасының аға оқытушысы, з.ғ.м. Боранбаева Салиман Рахманқызы.

Университетіміздің абыройын асқақататып, мәртебесін көтерген белсенді студентіміз бен ұстазын және факультет ұжымын абыройлы жетістіктерімен шын жүректен құттықтаймыз!

KazNARU Баспасөз қызметі