KazNARU

KazNARU ФАКУЛЬТЕТТЕРІНДЕ Әз-НАУРЫЗ КӨКТЕМ МЕРЕКЕСІНЕ ҰЛАСУДА

✅ 2025 жылдың 31 наурызында Қазақ ұлттық аграрлық зерттеу университетінІҢ «Ақбота» студенттік үйінде «Ветеринария және Зооинженерия» факультетінің Түркменстан мемлекетінен келген БТ-24-03К, МШ-24-03К топтарының білім алушылары үшін «Көктем келді Біз келдік!» атты тамаша мерекелік іс-шарасы болып өтті.

✅ Қазіргі таңда QS рейтингісінде Орталық Азия университеттері арасында 6-шы, Қазақстан ЖОО-лары арасында 5-ші орынды иеленіп отырған жетекші универсиетімізде Түркменстан, Өзбекстан, Тәжікстан, Қытай, Ресей, Малайзия, Мысыр т.б. шет мемлекттерден келген 200-дей студент білім алуда. Оларға аграрлық инновациялық білім берумен қатар, рухани тәрбие де қоса беріледі.

✅ «Соның ішінде биылғы оқу жылында «Ветеринария және Зооинженерия» факультетінде оқитын Түркменстандық жастардың Қазақстандық білім беру бағдарламасы бойынша озық тәжірибелерді жан-жақты меңгеріп, жақсы маман болып шығуына еңбек сіңіріп келеміз. Бізбен салт-дәстүрі ұқсас бауырлас студенттер үшін «Зооинженерия және биотехнология» кафедрасының ұстаздары «Көктем келді Біз келдік!» атты кешті бірлесе ұйымдастырып отыр. Әз-Наурызды түрікмендер «Новруз» дейді. Бұл мейрам туысқан халықтардың ортақ мәдениетімен, өмірімен, тарихи шежіресімен тікелей астасып жатыр. Бүгінгі мәдени іс-шара университетіміздегі барлық студент жастарды бір шаңырақ астында біріктіре түседі», - дейді кафедра меңгерушісі Бейбіт Құлатаев.

✅ Ия, көктем – жаңа өмірдің және бүкіл табиғаттың ұзақ ұйқыдан оянуының, жаңарудың символы! Сондықтан барша адамзат баласы әрқашан ару көктемді сағына аңсап, табиғи өзгерістер мен жердің гүлденуін асыға күткен.

✅ Түркмендік студенттер де көктемді қуана қарсы алып, өздерінің ұлттық киімдерін киіп сәнденіп, жаңару мен жасару мейрамына қатысты ғасырлар бойғы қалыптасқан салт-дәстүрлері мен әдет-ғұрыптарымен таныстырды. Қатысушылар ұлы Абайдың «Жазғытұры» өлеңінен бастап, қазақ және түркмен ақындарының көктем туралы өлеңдерін оқыды, ән салып, ұлттық билерін ұсынды.

✅ Кеш барысында қонақтар түркмен ұлттық тағамдарнан дәм татып, көңілді мерекелік іс-шара ұйымдастырушыларға өз ризашылықтарын білдірді.

KazNARU Баспасөз қызметі

---------Chatbot---------
виртуальный помощник