"Биологиялық қауіпсіздік" кафедрасының профессоры А. З. Мауланов Өзбекстан Республикасында шеберлік сабақтарын өткізді

Халықаралық келісім шарттар шеңберінде академиялық мобилділік бағдарламасы бойынша Қазақ ұлттық аграрлық зертеу университеті «Биологиялық қауіпсіздік» кафедрасының профессоры Мауланов Амангельды Заманұлы білім беру және ғылыми ізденістер жұмыстарымен тәжірибе алмасу мақсатында 2023 жылы 11-16 қыркүйек аралығында Нукус қаласындағы Самарканд мемлекеттік ветеринариялық медицина, малшаруашылығы және биотехнология университеті филиалының арнайы шақыртуымен іс сапарда болып қайтты.

Іс сапар барысында профессор Мауланов А.З. филиал директоры А.Т. Есимбетовпен және ветеринария факультетінің профессор-оқытушылар құрамымен кездесіп өз тәжірибесімен бөлісті. Сонымен қатар, профессор Мауланов Амангельды Заманұлы ветеринария факультетінің 3 курс студенттеріне осы филиалдың оқу жоспарына сәйкес «Патологиялық анатомия және соттық ветеринария» пәнінен 42 сағат дәріс оқыды  және жануарлар өлекселерін сойып зерттеуден практикалық «шеберлік сабағын» өткізді. Өзбек республикасы Нукус қаласының жергілікті телевидениясына және радиосына осы іс сапардың негізгі мақсаттары туралы ақпараттармен бөлісті.