«Ветеринария» факультетінің оқытушыларын Ұстаздар күнімен құттықтау іс-шарасы ұйымдастырылды
Бүгін 05.10.2023ж. 11-ші оқу ғимаратында «Ветеринария» факультетінің оқытушыларын Ұстаздар күнімен мерекелік құттықтау іс-шарасы ұйымдастырылды. Аталған іс-шараны ұйымдастыру факультет деканы Алпысбаева Г.Е. басшылығымен және декан орынбасарларының, жас оқытушылар мен белсенді студенттердің қатысуымен жүзеге асты.
Аса қадірменді университетіміздегі барша профессор-оқытушылар құрамы, сіздерді Ұстаздар мерекесімен шын жүректен құттықтаймыз!
Қоғам мен адамзат алдындағы өлшеусіз еңбектеріңізді ескере отырып, Сіздерге өскелең ұрпақ тәрбиелеудегі өрелі жұмыстар және мемлекеттің гүлденуі жолындағы абыройлы істеріңізге толымды табыс тілейміз. Қызығы мен шыжығы қатар жүретін ұстаздық жолдарыңыз тек өрлеу мен өсуге бастасын.
