ӨҢІРЛІК ҒЫЛЫМНЫҢ ӘЛЕУЕТІН АРТТЫРУ ТАЛҚЫЛАНДЫ

Өңірлік ғылымның әлеуетін арттыру қажет. Сондай-ақ инвестиция тарту үшін тиімді шаралар қабылдап, оны қаржыландыру мәселесі де бір жолға қойылуы тиіс. Бүгін Атырауға жұмыс сапарымен барған Ұлттық Ғылым Академиясының Президенті Ақылбек Күрішбаев Президиумның көшпелі отырысында осылай деді.

Статистикаға сүйенсек 8 облыс қана өңірлік ғылымға қаражат бөліп отыр. Бірақ жергілікті жерден ғылымға берілетін қаржы бір процентке де жетпейді. Өңірлік ғылым дамыса, экономикалық өсім көлемін арттыруға да мүмкіндік туады. Сондықтан мемлекет басшысының тапсырмасымен әр өңірдегі әкімдік жанынан ғылыми және технология кеңесін құру жоспарланып отыр.

Ақылбек КҮРІШБАЕВ, ҚР Президенті жанындағы Ұлттық ғылым академиясының президенті:

Бұл кеңес өте маңызды. Бұл әлемдік тәжірибе. Егер де кеңесті құрып, дұрыстап жұмыс істейтін болса, ол үлкен өңірлік ғылымның қозғаушы күші болады. Әкімдер соған назар аударуы керек.

Qazaqstan.tv

03.03.2025