KazNARU СТУДЕНТТЕРІ ҚАЗАҚСТАНДАҒЫ ЖЕТЕКШІ КӘСІПОРЫН ЖҰМЫСЫМЕН ТАНЫСТЫ

Қазақ ұлттық аграрлық зерттеу университетінің «Инженерлік технологиялар» факультеті, «Тағам өнімдерінің технологиясы және қауіпсіздігі» кафедрасының «Стандарттау және сертификаттау» білім беру бағдарламаларында оқитын 3-4 курс студенттері "Корпорация Сайман" ЖШС электр аспаптарын жасайтын зауытына барып, өндірістік процестермен танысты.

Кафедраның аға оқытушылары – т.ғ.м. Тәжен Қанат Паизұлы мен т.ғ.м. Исматуллаев Саттар Лесханұлы зауыттағы заманауи өлшеу құралдары мен автоматтандырылған жүйелердің қалай шығарылатынын өз көздерімен көру және танысу болашақ мамандарға практикалық тұрғыдан өте тиімді екенін атап өтті.

"Корпорация Сайман" ЖШС – Қазақстандағы электр энергиясын есепке алу аспаптары мен басқа да өлшеу құрылғыларын өндірудегі жетекші кәсіпорынның бірі. 1992 жылы негізі қаланған компания Алматыда орналасқан ол ТМД елдерінде де жоғары сапалы өнімнің сенімді жеткізушісі ретінде танымал.

Компания қызметінің негізгі бағыттары:

• Электр есептегіштері.

• Ток трансформаторлары

•Электр энергиясын есепке алу шкафтары

• Жарықдиодты өнімдер

• Автоматтандырылған жүйелерден тұрады

Компанияның өзінің өндірістік базасы мен инженерлік орталығы бар, ол халықаралық сапа стандарттарына сәйкес келетін өнімдерді әзірлеуге және өндіруге мүмкіндік береді. Сапа менеджменті жүйесі ISO 9001 стандарты бойынша сертификатталған және өнімдер аккредиттелген тексеру зертханасында міндетті тексеруден өтеді.

2019 жылы "Сайман корпорациясы" Қазақстан Республикасы Білім және ғылым министрлігі жанындағы "Ғылым қоры" АҚ-мен бірлесіп, баспа платаларын монтаждаудың жаңа цехын іске қосты. Бұл PLC технологиясын қолдана отырып, су есептегіштерін автоматты түрде оқу құрылғыларын өндіруге өндірістік мүмкіндіктерді кеңейтуге және заманауи технологияларды енгізуге мүмкіндік берді.

Студенттер зауыттағы инженерлер мен технологтарға өздерін қызықтырған сұрақтарын қойып, саланың даму перспективалары туралы танып білді, сериялық өндіріске дайындалып жатқан соңғы әзірлемелермен танысты.

"Бүгінде университеттің 4 курс студенттері "Корпорация Сайман" ЖШС-да өндірістік практикасын жалғастыруда. Мұндай тәжірибе теориялық білімді тереңдетіп қана қоймай, студентке өз мамандығын жан-жақты меңгеріп, болашақта осындай ірі кәсіпорында жұмысқа қабылдануға мүмкіндік береді", - дейді топ жетекшілері.

KazNARU Баспасөз қызметі