МАМАНДЫҒЫМ – МАҚТАНЫШЫМ!
Мамандық - әр адамның сүйіп, қуана жасайтын ісі, болашағы. Әр адам өз мамандығын таңдап, оған құрметпен қарауы керек. Себебі, мамандық таңдау үлкен жауапкершілік және олардың әрқайсысының өз ерекшеліктері бар.
Осыған орай Қазақ ұлттық аграрлық зерттеу университеті Ветеринария және Зооинженерия факультетінің «Зооинженерия және биотехнология» кафедрасында тәрбие жұмыс жоспарына сәйкес интеллектуалды тәрбие бағытында 6В08201 - Мал шаруашылығы өнімдерін өндіру технологиясы білім беру бағдарламасының 1-курс студенттерімен «Мен мамандығыммен - мақтанамын» атты семинар тренинг өткізілді.
Семинар-тренингте Қытай Халық Республикасы, Батыс-Солтүстік ауыл және орман шаруашылығы ғылым-техника университетінің ұйымдастыруымен өткен «2-кезекті Орта Азия елдерінің мал шаруашылығындағы заманауи технологияларды қалыптастыру» тақырыбы бойынша практикалық семинарға қатысып қайтқан «Зооинженерия және биотехнология» кафедрасының оқытушылары Қадыкен Ризабек пен Баймәжі
Ерлік жас мамандарға өз тәжірибелерімен бөлісті.
Кездесу барысында мал шаруашылығы өнімдерін өндіру саласындағы маңызды тақырыптар талқыланды.
Мұндағы негізгі мәселелер мал шаруашылығының тиімділігін арттыру, жаңа технологияларды енгізу, сапалы өнімдер шығару жолдары мен экологиялық таза әдістерді қолдану болды. Ұстаздар базаны жетілдіру, малдың денсаулығын сақтау және олардың өнімділігін арттыру бағытында өз тәжірибелерімен бөлісті.
Сондай-ақ, мал шаруашылығы өнімдерін өндіру кезінде кездесетін қиындықтар мен оларды шешу жолдары туралы да сөз қозғалды. Мамандар ауыл шаруашылығының осы саласында еңбек өнімділігін арттыру үшін заманауи ғылыми зерттеулер мен тәжірибелерді енгізу қажеттілігіне тоқталды.
Сонымен қатар, мал өнімдерін өңдеу мен сақтаудың жаңа әдістері, әсіресе экологиялық таза өнімдер нарығындағы сұранысқа жауап беру жолдары талқыланды.
Кәсіби тәжірибе мен теорияның ұштасуы, сондай-ақ нақты мәселелердің талқылануы, сала мамандары үшін маңызды ақпараттық алмасуға жол ашты. Семинар тренингтен алған білім мен тәжірибе алдағы уақытта кәсіби жұмысқа, сондай-ақ саланың дамуына үлкен үлес қосатыны сөзсіз.
KazNARU Баспасөз қызметі
