Талғар политехникалық колледжінің бітіруші топ студенттерімен кәсіби бағдар жұмысын жүргізілді

 2025 жылдың 15-ші қаңтар күні Қазақ ұлттық аграрлық зерттеу университетінің  Инженерлік технологиялар  факультетінің  деканы Әлдібаева Ләззат Тұрғынбайқызы, «Тағам өнімдерінің технологиясы және қауіпсіздігі» кафедра меңгерушісі Мамаева Лаура Асылбекқызы, «Электроэнергетика және «Энергетика және электротехника» кафедрасының меңгерушісі Молдажанов Айдар Қадыржанұлы және  оқытушылар мен студенттерден құралған жұмысшы топ  Талғар политехникалық колледжінің бітіруші топ студенттерімен кәсіби бағдар жұмысын жүргізу мақсатында кездесу өткізді.

Кездесу барысында Ләззат Тұрғынбайқызы жалпы университет туралы, ал «Тағам өнімдерінің технологиясы және қауіпсіздігі» кафедра меңгерушісі Мамаева Лаура Асылбекқызы, «Электроэнергетика және «Энергетика және электротехника» кафедрасының меңгерушісі Молдажанов Айдар Қадыржанұлы өз кафедраларында дайындалатын білім беру бағдаламалары туралы жеткілікті түрде мағлұмат берді. Студенттердің кәсіби қызығушылығына мамандықты және оқу орнын еркін, әрі саналы таңдау құқықтарын іске асыру туралы ақпарат беріліп, ұлттық бірыңғай  тесті тапсыру жұмыстарының қадамдары түсіндірілді. Қазақ ұлттық  аграрлық зерттеу университетінің табысты жылдары туралы бейнебаян көрсетілді. Колледж студенттері университет мамандықтары туралы  сұрақтар қойып, жеке пікірлерімен ой бөлісті.

«Алматы облысының білім басқармасы» мемлекеттік мекемесінің «Талғар политехникалық колледжі» мемлекеттік коммуналдық қазыналық кәсіпорны 1934 жылы құрылған. Колледжде бүгінде 758 студент білім алуда.