ҚАЗАҚ ҰЛТТЫҚ АГРАРЛЫҚ ЗЕРТТЕУ УНИВЕСРИТЕТІНІҢ СТУДЕНТТЕРІ АЛҒАШҚЫ ОҚУ КҮНДЕРІН СӘТТІ БАСТАДЫ

Білім алушылар жаңарған, жаңғыртылған өз жатақханаларына орналасып, кең де жарық аудиториялардың табалдырығын қуанышты көңіл-күймен аттады.

Жастар ісі жөніндегі департаменттің бастамасымен жаңа оқу жылының басталуына орай, студенттердің бір-бірімен жақынырақ танысуы үшін көркем өнерпаздардың күшімен концерт ұйымдастырылды.

Сабақтан бос күні студенттер Алматы қаласының күні аясында сенбілікке шығып, өздерінің тұрған аулаларын күзгі жапырақтардан тазартып, гүлзар бақтарды ретке келтірді.

Бірінші курс студенттері Алматы қаласының тарихи-мәден орындарымен танысып, «Боралдай сақ қорғандары» археологиялық саябағында өткен «Ұлы дала – көшпенділер әлемі» этнофестивалінде болып, ұлттық жауынгерлік ойындарды, ат спорты мен айтыс өнерін тамашалады.

Сондай-ақ, бірінші курстықтар декандардың ұйымдастыруымен алғаш рет М.Әуезов атындағы академиялық драма театрына барып, спектакль көріп қайтты.

ҚазҰАЗУ Баспасөз қызметі