КӘСІПТІК БАҒДАР БЕРУ ІСІ ЖАЛҒАСУДА
Қазақ ұлттық аграрлық зерттеу университетінің өкілдері Алматы қаласындағы Жетісу ауданының №148 мектеп-гимназиясының 10-шы және 11-шы сынып жетекшілері мен оқушылары арасында кәсіби бағдар беру жұмыстарын жүргізіп қайтты.
Бұл кездесу Ұлттық тестілеу орталығының Алматы қаласындағы филиалдың жауапты қызметкерлері Гүлмира Чимекеева мен Гүлжаз Нұргалиевамен бірлесе ұйымдастырылды.
Мақсат – мектеп бітіруші түлектерге ҰБТ туралы толық ақпарат бере отырып, ары қарай жоғары оқу орындарында білімдерін жалғастыруға көмек беру.
Кездесу барысында KazNARU факультеттерінің ерекшелігі туралы видеоролик көрсетіліп,, мамандыққа қойылатын талаптар, қабылдау ережесі, ҰБТ-ға дайындалу барысында пайдаланылатын қосымша материалдар таратылды.
Жасөспірімдер тарапынан кәсіптік бағдар беру мәселелері бойынша әртүрлі сұрақтар қойылды және оларға жауаптар қайтарылды.
KazNARU Баспасөз қызметі
