KazNARU СТУДЕНТІ АЛМАТЫ ҚАЛАЛЫҚ ЧЕМПИОНАТТА ТОП ЖАРДЫ
2025 жылдың 18-19 қаңтарында спорттық және жауынгерлік самбодан Алматы қаласының чемпионаты ұйымдастырылды. Бұл дүбірлі сайысқа оңтүстік мегаполистегі барлық ЖОО-лардың студенттері қатысып, күш сынасты.
Бұл біріншіліктің басты мақсаты – жас ұрпақты патриоттық және дене тәрбиесіне баулу, самбо және жауынгерлік самбо күресінің жаппай дамуына ықпал ету, жастардың спорттық шеберлік деңгейін арттыру және еліміздің қауіпсіздігін қорғайтын күштік құрылымдар үшін лайықты резерв дайындау.
Жауынгерлік самбо – жекпе-жекте қарусыз қорғану спорт түріне жатады. Бүгінде бұл қызықты ойын шартында қорғану мен шабуыл жасаудың жүздеген әдісі бар. Бірақ, бұл қатаң ережелерді қарапайым адамдарға қарсы қолдануға болмайды.
Спорттық және жауынгерлік самбодан Алматы қаласының чемпионатында KazNARU «Инженерлік технологиялар» факультетінің 1-крус студенті Жансанат Кабдрахимов 79 кг салмақта жүлделі 3-орынға ие болды. Жаттықтырушылары – Ядыгар Манапов пен Мұрат Нокишев.
Жарысқа қатысып Университетіміздің абыройын асқақтатқан, жұлдызы жанған Жансанатты алғашқы спорт белесіндегі жеңісімен шын жүректен құттықтаймыз!
KazNARU Баспасөз қызметі
