KazNARU СТУДЕНТІ ХАЛЫҚАРАЛЫҚ КӘСІБИ-ШЫҒАРМАШЫЛЫҚ БАЙҚАУДЫҢ ЖЕҢІМПАЗЫ АТАНДЫ

2024 жылы Украинаның Білім және ғылым министрлігінің ұйымдастыруымен «Аграрлық ғылымдар және азық-түлік» атты тақырыпта Халықаралық студенттік кәсіби шығармашылық байқауы өтті.

Николаев ұлттық аграрлық университетінің базасында 6 ай бойы жүргізілген байқауға Украина мен шет елдердің (АҚШ, Чехия, Словакия, Польша, Молдова, Латвия, Литва, Эстония, Қазақстан және т. б.) университеттерінің студенттері мен оқытушылары ұсынған 367 жұмыстар мен жобалар қатысты.

«Қатысушылар өз баяндамалары мен презентацияларын ағылшын тілінде дайындап ұсынды, бұл олардың академиялық дайындықтары мен халықаралық ынтымақтастықтың жоғары деңгейін көрсетеді», - дейді қазақстандық студенттің ғылыми жетекшісі профессор Айгүл Жаппарова.

Халықаралық байқаудың қорытындысы бойынша 22 жоба үздік деп танылып, I, II және III дәрежелі дипломдармен марапатталды. Оның ішінде Қазақ ұлттық аграрлық зерттеу университетінің «Топырақтану және агрохимия» мамандығы бойынша оқитыг 3-курс студенті Елиза Багдидің жұмысы үздік ғылыми зерттеу үшін III дәрежелі Дипломмен марапатталды.

Сондай-ақ ғылыми жетекшісі, «Топырақтану, агрохимия және экология» кафедрасының профессоры Жаппарова Айгүл Абсултанқызы халықаралық студенттік кәсіби-шығармашылық конкурсының номинантын білікті дайындағаны үшін арнайы Сертификатқа ие болды.

Профессор Айгүл Жаппарова мен шәкірті Елиза Бағдиді және бүкіл команданы лайықты марапатымен құттықтай отырып, ғылымда жаңа жетістіктерге жете беруіне тілектстік білдіреміз!

KazNARU баспасөз қызметі